కావల్సినవి: టమాటాలు- మూడు, వంకాయలు- ఐదు, నువ్వులు- అరచెంచా, ఎండుకొబ్బరి తురుము- అరకప్పు, వేరుసెనగపప్పు- పావుకప్పు, ఎండుమిర్చి- నాలుగు, రసంపొడి- చెంచా, చింతపండు గుజ్జు - కొద్దిగా, ఉప్పు- రుచికి తగినంత, నూనె- మూడు చెంచాలు, తాలింపు దినుసులు- చెంచా, బెల్లం తురుము- పావుకప్పు, పసుపు- పావుచెంచా, ఇంగువ- చిటికెడు, కొత్తిమీర తురుము - కొద్దిగా.
తయారీ:
బాణలిలో అరచెంచా నూనె వేసి వేరు సెనగపప్పు, నువ్వులు, కొబ్బరి తురుము వేయించి పెట్టుకోవాలి. టమాటా, బెల్లం తురుము, ఉప్పు మిక్సీలో వేసి గుజ్జులా చేసి పెట్టుకోవాలి. వేయించి పెట్టుకున్న వేరుసెనగపప్పు, కొబ్బరి తురుము, నువ్వుల్ని కూడా పొడిలా చేసి టమాటా గుజ్జుకు కలపాలి. ఇప్పుడు వంకాయల్ని శుభ్రంగా కడిగి నాలుగు భాగాలుగా కోసి సిద్ధం చేసి పెట్టుకున్న మిశ్రమాన్ని వాటిల్లో కూరాలి. వెడల్పాటి పాన్ తీసుకుని నూనె వేడిచేసి తాలింపు దినుసులు వేయించి పసుపు, ఇంగువ వేయాలి. ఆ తరవాత వంకాయలు, చింతపండు గుజ్జు, రసంపొడి ఒకదాని తరవాత ఒకటి చేర్చి మూత పెట్టేయాలి. వంకాయలు బాగా మగ్గాక మంట తగ్గించి, మిగిలిన టమాటా మిశ్రమం కలిపి ఐదు నిమిషాలు ఉంచాలి. చివరగా కొత్తిమీర చల్లితే చాలు.. కమ్మని టమాటా గుత్తి వంకాయ కూర సిద్ధం.
తయారీ:
బాణలిలో అరచెంచా నూనె వేసి వేరు సెనగపప్పు, నువ్వులు, కొబ్బరి తురుము వేయించి పెట్టుకోవాలి. టమాటా, బెల్లం తురుము, ఉప్పు మిక్సీలో వేసి గుజ్జులా చేసి పెట్టుకోవాలి. వేయించి పెట్టుకున్న వేరుసెనగపప్పు, కొబ్బరి తురుము, నువ్వుల్ని కూడా పొడిలా చేసి టమాటా గుజ్జుకు కలపాలి. ఇప్పుడు వంకాయల్ని శుభ్రంగా కడిగి నాలుగు భాగాలుగా కోసి సిద్ధం చేసి పెట్టుకున్న మిశ్రమాన్ని వాటిల్లో కూరాలి. వెడల్పాటి పాన్ తీసుకుని నూనె వేడిచేసి తాలింపు దినుసులు వేయించి పసుపు, ఇంగువ వేయాలి. ఆ తరవాత వంకాయలు, చింతపండు గుజ్జు, రసంపొడి ఒకదాని తరవాత ఒకటి చేర్చి మూత పెట్టేయాలి. వంకాయలు బాగా మగ్గాక మంట తగ్గించి, మిగిలిన టమాటా మిశ్రమం కలిపి ఐదు నిమిషాలు ఉంచాలి. చివరగా కొత్తిమీర చల్లితే చాలు.. కమ్మని టమాటా గుత్తి వంకాయ కూర సిద్ధం.