బాదంతో భలే అందం...

బాదంలో ఉన్న ఎ, ఇ విటమిన్‌లు చర్మసౌందర్యాన్ని పెంచడమేకాకుండా కమిలినట్లుగా ఉన్న చర్మం తిరిగి కాంతివంతం అయేలా చేస్తాయి.  నాలుగు బాదం పప్పులు రాత్రి పాలలో నానబెట్టి, ఉదయాన్నే పొట్టు తీసి పేస్ట్ చేయాలి. దీంట్లో అర టేబుల్ స్పూన్ తేనె కలిపి ముఖానికి పట్టించి 20 నిమిషాల తరవాత గోరువెచ్చటి నీటితో కడిగేయాలి.    టేబుల్ స్పూన్ బాదం పొడిలో పచ్చిపాలు, రోజ్ వాటర్ కలిపి పేస్ట్ చేయాలి. ఈ మిశ్రమాన్ని ముఖానికి పట్టించి, ఆరాక గోరువెచ్చటి నీళ్లతో కడిగేయాలి.    రాత్రి పడుకోబోయే ముందు బాదం నూనె ముఖానికీ ఒంటికీ పట్టించి ఉదయాన్నే గోరువెచ్చటి నీటితో స్నానం చేయాలి.    టేబుల్ స్పూన్ బాదంనూనెలో అర టేబుల్ స్పూన్ శనగపిండి కలిపిన మిశ్రమాన్ని ముఖానికి పట్టించి, ఆరిన తరువాత చన్నీళ్లతో కడిగేయాలి. ఇలా వారానికి రెండు సార్లు చేస్తే కోమలమైన చర్మం మీ సొంతం.